An Bealach anseo

Tá Ailt an Chorráin suite in Iarthar Thír Chonaill 5 mhíle ar shiúl ón Chlochán Liath, an baile is mó sna Rosa. Is ann atá Comharchumann Iascairí Ailt an Chorráin agus is é an dara port is tábhachtaí ó thaobh na hiascaireachta de i nDún na nGall. Tá Na Cealla Beaga níos mó. Tugtar cuid mhór gliomach agus bradán i dtír achan bhliain agus déantar cuid mhór iasc a easportáil go dtí an Seapáin agus An Mhór-Roinn.
Fagann an bád farrantóireachta ón phríomhché agus is féidir ticéid a cheannach ar bord an bháid nó ag an oifig ar an ché a bhíonn foscailte i rith an tsamhraidh amháin.

Leanann an bád bealach cúng idir cúpla oileán beag ar a thuras isteach go hÁrainn Mhór. Tugtar ‘An Poll Dubh’ ar an fhoscailt bheag seo idir Inis Mhic an Duirn agus Inis Cú/Eadarinis mar go bhfuil an uisce domhain agus bíonn sé ag bogadh go gasta ann. Tugann na hoileáin bheaga seo foscadh maith don bhád agus cuireann sé ar a chumas dul chun na farraige am ar bith, ach amháin nuair atá doineann mhór ann.
Ina dhiaidh sin trasnaíonn an bád míle farraige atá foscailte go hiomlán don Atlantach agus don ghaoth aduaidh sula dtagann sé i dtír ar an Leadhb Gharbh in Árainn Mhór.

An Poll Dubh agus Inis Cú sa chúlra.