Tabhair cuairt ar Árainn Mhór

Cén fáth nach dtugann tú cuairt ar Árainn Mhór chun sult a bhaint as an atmaisféar cairdiúil. Fagann an bád farrantóireachta Ailt an Chorráin achan lá den bhliain rud a dhéanann turais lae iontach furasta a eagrú. Don duine atá ag iarraidh é féin a mhilleadh ar feadh tamaill ba chóir dó cuairt níos faide a phleanáil. Is féidir lán do shúile a bhaint den tírdhreach fhiáin, an cultúr Gaelach, na bóithre beaga tuaithe, an fiadhúlra fairsing, tinte móna agus tabhairní bríomhara. Cén fáth nach dtugann tú cuairt ar an roinn saoirí sainspéise atá againn ar an suíomh seo? Tá saoirí teanga agus cultúrtha ann dóibh siúd ar mhaith leo feabhas a chur ar a gcuid scileanna teanga nó blas a fháil ar chultúr saibhir na háite. Tá réimse loistín éagsúil ar fáil ar an oileán agus tá rud ar fáil a d’fóirfeadh do achan phóca. Thig leat a bheith cinnte fosta go bhfaighidh tú Fáilte Uí Cheallaigh agus tú ag fanacht ann. Chun treoracha a fháil chun an oileáin déan seic ar ‘Aimsigh do Bhealach’ - tá sé níos fusa an áit a bhaint amach ná mar a shílfeá. Ná déan moill – déan do chuid pleananna inniu.