Tá áilleacht fhiáin in Árainn Mhór, áit ina bhfuil go leor siúlóidí treoraithe gur féidir le daoine ’ a bhlaiseadh ar chos nó ar na rothair atá ar fáil ar cíos ag an ché. Tá an taobh thiar den oileán greannta agus buaillte ag cumhacht an Atlantaigh agus is ann a bhfaighfeá uaimheanna mara agus stacaí cloiche atá mar chuid de dhreach aillte, a leithéid nach bhfaighfeá in Éirinn ó thaobh maorgachta de. Is áit chrocach í an t-oileán le screabán agus locha beaga mar is dual do cheantar na Rosann. Tá radharcanna iontacha ó Oileán Thoraí go Gleann Cholm Cille ar an tír mór le sonrú ag an siúltóir agus é ag déanamh a bhealaigh thart ar an 7 m’le cearnach d'oileán. Tá teach solais suite ar Rinn Rabhrais ó bhí 1798 ann (sa bhliain 1865 a tógadh an ceann atá ann anois) ag treorú taistealaithe mara agus a gcoinneáil ó chósta garbh an oileáin. Tá sé mar bhun scríbe maith don té atá ag iarraidh taiscéaladh a dhéanamh ar an cheantar máguaird.